გიორგი კაკაურიძე: წელს არ არის ბიუჯეტში რესურსი იმისა, რომ პენსია გაიზარდოს

ფინანსთა მინისტრის მოადგილის გიორგი კაკაურიძის განცხადებით, 2014 წელი იყო პირველი წელი საქართველოს ისტორიაში, როდესაც პენსიამ საარსებო მინიმუმს გადააჭარბა,.

„მანამდე არც ერთი წლის განმავლობაში პენსია საარსებო მინიმუმი მაღლა არ ყოფილა“, - აღნიშნა გიორგი კაკაურიძემ პარლამენტის საფინანსო-საბიუჯეტო კომიტეტის სხდომაზე.

რაც შეეხება პენსიის გაზრდას, კაკაურიძის თქმით, წელს ბიუჯეტში არ არის  რესურსი იმისა, რომ პენსია გაიზარდოს:

„ამიტომ არის, რომ ბიუჯეტიდან ფინანსდება ის პროგრამები, რომელმაც უნდა შეუწყოს ხელი ეკონომიკურ ზრდას“,-აღნიშნა გიორგი კაკაურიძემ.