2023 წელს ტურიზმის ეროვნულმა ადმინისტრაციამ სექტორის 2 000-მდე წარმომადგენელი გადაამზადა

წელს, ტურიზმის ეროვნულმა ადმინისტრაციამ კერძო სექტორის მხარდაჭერისა და მომსახურების ხარისხის განვითარების მიზნით ტურიზმის ინდუსტრიაში დასაქმებული და დასაქმების მსურველი 2 000-მდე ადამიანი გადაამზადა.

ტურიზმის ეროვნული ადმინისტრაციის ცნობით, ტრენინგ-კურსები გიდებმა, ტურ-ოპერატორებმა, განთავსების ობიექტების თანამშრომლებმა და სექტორის სხვა წარმომადგენლებმა გაიარეს.  

კერძო სექტორის წარმომადგენლებისთვის განხორციელდა სხვადასხვა თემატური ტრენინგი.

• საოჯახო სასტუმროს მართვა
• სოციალური მედიის მართვა.
• სოფლის ტურიზმი და ტურისტული მომსახურების თავისებურებები სოფლად 
• Digital Marketing.
• ჰიგიენა და სურსათის უვნებლობა.
• ინკლუზიური ტურისტული პროდუქტები და სერვისები შეზღუდული შესაძლებლობის მქონე პირთათვის.
• პირველი სამედიცინო დახმარება.
• საერთაშორისო სომელიეს კურსები.
• ენოგასტრონომიული ტურიზმის სასწავლო კურსი.
• საფეხმავლო ბილიკების მონიშვნა და მოვლა პატრონობა.

ტრენინგები სრულიად უსასყიდლოდ მოეწყო და საქართველოს მასშტაბით განხორციელდა.