„საქართველოს ფოსტა“ საფოსტო მარკების ესკიზების კონკურსს აცხადებს

საქართველოს ეკონომიკისა და მდგრადი განვითარების სამინისტროს შპს „საქართველოს ფოსტა“ აცხადებს  საფოსტო მარკების ესკიზების კონკურსს, რომლის მიზანია ხელი შეუწყოს ქართული საფოსტო მარკების გამოცემის განვითარებას და პოპულარიზაციას.

2018 წლის საკონკურსო თემები გახლავთ:

საქართველოს კულტურული მემკვიდრეობა:

• საქართველოს ეროვნული ბანკის ფულის მუზეუმში დაცული ძველი ქართული მონეტები
• მარკების სერია -  ქართული ვაზი და ღვინო
• საქართველო - ნიადაგების ბუნებრივი მუზეუმი

აქტუალური თემატიკა:

• ხიდები – თამარ მეფის ხიდი (რკონის ხეობა, კასპის რ-ნი), თამარ მეფის ხიდი (მახუნცეთი, ქედის რ-ნი), თამარ მეფის ხიდი (მდ. ბესლეთი, აფხაზეთი), მშვიდობის ხიდი - თბილისი
• საქართველოს სახელმწიფოებრივი დამოუკიდებლობის გამოცხადების 100 წლის იუბილე
• „ანბანით მოთხრობილი საქართველო“ – „Georgia Made by Letters“

გამოჩენილი ქართველი მოღვაწეები:

• მარკების სერია - საქართველოს ღვაწლმოსილი პიროვნებები: პეტრე მელიქიშვილი, კონსტანტინე აფხაზი, გალაკტიონ ტაბიძე, დიმიტრი უზნაძე, ნიკო ნიკოლაძე, ნიკოლოზ მუსხელიშვილი, ლადო გუდიაშვილი, სერგო ზაქარიაძე, უშანგი ჩხეიძე

თავისუფალი თემა:

• აღდგომის ბრწყინვალე დღესასწაული
• შობა-ახალი წელი

კონკურსში მონაწილეობის მიღება შეუძლია ნებისმიერ მოქალაქეს რომლის ასაკიც აღემატება 16 წელს, დაინტერესებულ მონაწილეს მოცემული თემატიკიდან შეუძლია წარმოადგინოს საფოსტო მარკების ესკიზების ერთი, რამდენიმე ან ყველა თემაზე პროექტი, ასევე თითოეულ თემაზე შესაძლებელია ესკიზის რამდენიმე ვარიანტის წარმოდგენა.

თითოეული სახის ესკიზის პროექტში გამარჯვებულისთვის დაწესებულია პრემია 500 ლარის ოდენობით. კონკურსი ტარდება ერთ ტურად, საფოსტო მარკების ესკიზების პროექტების წარდგენის ბოლო ვადა გახლავთ 2018 წლის 9 თებერვალი, 18:00 საათამდე.

კონკურსში მონაწილეობის წესებს და საკონკურსო მოთხოვნებს შეგიძლიათ დეტალურად გაეცნოთ მოცემულ ბმულზე: https://www.gpost.ge/?site-lang=ka&site-path=news/&id=1267, ასევე კონსულტაციისთვის დაგვიკავშირდით ელ.ფოსტაზე: stamps@gpost.ge ან ცხელ ხაზზე: (32) 224 09 09.

(R)