სახაზინო ობლიგაციების აუქციონზე 40 000 000 ლარის ნომინალური ღირებულების ფასიანი ქაღალდები გაიყიდა

2020 წლის 21 აპრილს, ფინანსთა სამინისტროს სახაზინო ობლიგაციების აუქციონზე 40 000 000 ლარის ნომინალური ღირებულების 10-წლიანი ვადიანობის ფასიანი ქაღალდები გაიყიდა.

ამის შესახებ ინფორმაციას საქართველოს ეროვნული ბანკი აქვეყნებს.

მათი ინფორმაციით, აუქციონში მონაწილეობა მიიღო ოთხმა კომერციულმა ბანკმა. მოთხოვნამ შეადგინა 78 150 000 ლარი. მინიმალური საპროცენტო განაკვეთი 10.150 პროენტით, მაქსიმალური 10.500 პროცენტით, ხოლო საშუალო შეწონილი  10.235 პროცენტით განისაზღვრა.

აღსანიშნავია ისიც, რომ კუპონურმა საპროცენტო განაკვეთმა, 10.250 პროცენტს შეადგინა. კუპონის გადახდა მოხდება წელიწადში ორჯერ, ყოველ ექვს თვეში.

ავტორი: მერი ტაბატაძე