რა რეკომენდაციების დაცვა მოუწევთ სპორტდარბაზებსა და აუზებს მუშაობის განახლებისთვის

ჯანდაცვის სამინისტროს შრომის ინსპექციის დეპარტამენტის უფროსმა ბექა ფერაძემ მთავრობაში გამართულ ბრიფინგზე ისაუბრა იმ რეკომენდაციებზე, რომელთა დაცვაც მოეთხოვებათ საცურაო აუზებისა და სპორტული დარბაზების მფლობელებს მუშაობის განახლებისთვის.

კერძოდ:

·         ყოველ ექვს კვ. მეტრზე მოხდება ერთი ადამიანის დაშვება;

·         უპირატესობა მიენიჭება ბუნებრივ ვენტილაციას, ხოლო ხელოვნური ვენტილაციის შემთხვევაში ნომინალურ სიჩქარეზე უნდა იყოს გადართული და შესაბამისი წესი იქნება ამ კუთხით მიღებული;

·         დალაგების შემდგომ ორპირი ქარის პრინციპით უნდა მოხდეს განიავება;

·         საშხაპეები უნდა იყოს შესაბამისი ტიხრებით გამოყოფილი ერთმანეთისგან;

·         კარადები ერთის გამოტოვებით უნდა იყოს განთავსებული;

·         პირსახოცები უნდა იყოს ერთჯერადი შეფუთვით;

·         წესდება ლიმიტი ჯგუფური ვარჯიშების განხორციელებისთვის - 10 ადამიანისთვის მოხდება პროცედურის წარმართვა;

·         აუზების შემთხვევაში წყლის ლაბორატორიული კვლევა ჩატარდება და გადახრის შემთხვევაში უკვე მიკრობიოლოგიური კვლევა განხორციელება;

·         შეზლონგებზე აკრძალულია შეწოვადი რბილი მასალების გამოყენება და მათი დეზინფექცია უნდა განხორციელდეს ყოველი გამოყენების შედეგ.

ავტორი: მერი ტაბატაძე