ლევან დავითაშვილი - მესტიაში მოსახლეობის სურსათით მომარაგებას არანაირი საფრთხე არ ემუქრება

მესტიაში მოსახლეობის სურსათითა და სხვა პირველადი მოხმარების პროდუქტებით მომარაგებას არანაირი საფრთხე არ ემუქრება, - ამის შესახებ სოფლის მეურნეობის მინისტრმა ლევან დავითაშვილმა განაცხადა.

მისი თქმით, დილის მონაცემებით, რეგიონში არანაირი პროდუქტის დეფიციტი არ შეინიშნება.

„შეგვიძლია სრული პასუხისმგებლობით განვაცხადო, რომ მოსახლეობის სურსათითა და სხვა პირველადი მოხმარების პროდუქტებით მომარაგებას არანაირი საფრთხე არ ემუქრება. რეგიონში არანაირი პროდუქტის დეფიციტი არ შეინიშნება. დილის მონაცემებით დაძრულია რამდენიმე დისტრიბუტორის მანქანა რეგიონში შესასვლელად”, - განაცხადა დავითაშვილმა.

ავტორი: მერი ტაბატაძე