ვალუტის კურსი
24 დეკემბრიდან ბაზრობები არ გაიხსნება
2020-12-22 14:27:52
204
24 დეკემბრიდან 2 იანვრის ჩათვლით ბაზრობები არ გაიხსნება, აგრარული ბაზრები მუშაობას განაგრძობენ
აღნიშნული გადაწყვეტილება უწყებათაშორის საკოორდინაციო საბჭოზე მიიღეს.
როგორც ვიცე-პრემიერმა მაია ცქიტიშვილმა მთვარობის ადმინისტრაციაში ბრიფინგზე განაცხადა, 24 დეკემბრიდან გარკვეული სავაჭრო ობიექტები იხსნება.
„გათვალისწინებულია დამატებითი რეგულაციები, რომელზეც წინასწარ გაიმართა კონსულტაციები ბიზნესთან:
o მაღაზიების სამუშაო საათები განისაზღვრება დილის 07:00დან 19:00 საათამდე
o მომხმარებელების სავაჭრო სივრცეში დაშვება უნდა მოხდეს ნაკადების მკაცრი მართვით, რისთვისაც:
o მაღაზიის ფართის ყოველ 20მ2 დაიშვება არაუმეტეს ერთი მომხმარებელი
o მაღაზიების როგორც შიდა, ასევე მაღაზიის გარე სივრცეში უნდა მოხდეს მომხმარებელთა რიგების მართვა;
o ფასდაკლებების აქციები გამოცხადდეს ძირითადად დილის საათებში ან/და ონლაინ გაყიდვების შემთხვევაში;
o ტანსაცმლის მაღაზიებში არ იმუშავებენ გასახდელები.
o ამასთან მომხმარებელთა ინტერესების დაცვის მიზნით, მაღაზიებმა უნდა დაუშვან პროდუქციის დაბრუნება ან გადაცვლა ერთი თვის განმავლობაში და ეს უნდა მოხდეს მხოლოდ 1 თებერვლის შემდეგ
o სავაჭრო ცენტრებში იკრძალება კვების ობიექტების ფუნქციონირება, მათ შორის გადატანის სერვისით
o ყველა სივრცეში და მაღაზიის გარეთ რიგებში დაცული უნდა იყოს სოციალური დისტანცია და პირბადეების სწორად ტარების მოთხოვნები
o აღნიშნულზე სრული პასუხისმგებლობა ეკისრება სავაჭრო ობიექტების ადმინისტრაციას
o ნებისმიერი დარღვევის დადგენის შემთხვევაში ობიექტების მიმართ გამოყენებული იქნება კანონით დადგენილი ყველა ღონისძიება, როგორც დაჯარიმება, ასევე საქმიანობის შეჩერება", - განაცხადა მაია ცქიტიშვილმა.
