Apple ექსტრემალური სპორტის მიმდევრებისთვის საათების ახალ ხაზს გამოუშვებს

Apple-მა შესაძლოა წარმოებაში Apple Watch-ის ახალი ხაზი ჩაუშვას, რომელიც ექსტრემალური სპორტის მიმდევრებს მოერგებათ.

აღნიშნულის შესახებ Bloomberg-ი საკუთარ წყაროზე დაყრდნობით წერს.

სააგენტოს ცნობით, კომპანიაში მსგავსი მოდელის გამოცემაზე უკვე მსჯელობენ და მისი გამოშვება შესაძლოა 2021 წლის ბოლოს, ან 2022 წლის დასაწყისში მოხდეს.

Apple Watch-ის ახალ მოდელს კომპანიის ჩვეულებრივი სმარტ-საათებისგან განსხვავებით, დამატებითი სიმყარე ექნება და დარტყმისგან დაცული იქნება.

loomberg-ის მონაცემებით, 2020 წელს Apple Watch-ის გაყიდვებიდან კომპანიამ 30 მილიარდი დოლარის შემოსავალი მიიღო.