ვგმობ ნებისმიერი ტიპის ძალადობას - კახა ოქრიაშვილი დმანისში განვითარებულ მოვლენებს ეხმაურება

პარტიის „პროგრესი და თავისუფლება“ ლიდერი, კახა ოქრიაშვილი 16 მაისს, დმანისში განვითარებულ მოვლენებს ეხმაურება და აცხადებს, რომ ნებისმიერი ტიპის ძალადობას გმობს.

მისივე განცხადებით, ის სამართალდამცავ და საგამოძიებო სტრუქტურებს დანაშაულის უსწრაფესად გამოძიებისკენ მოუწოდებს.

„მსურს, გამოვეხმაურო 16 მაისს, ქალაქ დმანისში განვითარებულ მოვლენებს.

სამწუხაროდ, საყოფაცხოვრებო ნიადაგზე დაწყებული ინციდენტი, მოგვიანებით სერიოზულ დაპირისპირებაში გადაიზარდა, რამაც ზოგიერთ მხარეს ინტერპრეტირების საშუალება მისცა.  პირველ რიგში, ყველას მოვუწოდებ, თავი შეიკავოს ამ ყოფითი კონფლიქტის სხვა ჭრილში წარმოჩენისა და მკვეთრი განცხადებებისაგან.

ვგმობ ნებისმიერი ტიპის ძალადობას და ასევე, მოვუწოდებ ჩვენს სამართალდამცავ და საგამოძიებო სტრუქტურებს, უსწრაფესად გამოიძიონ  დანაშაული და კანონის  წინაშე პასუხი აგოს ყველა მოძალადემ“, - აცხადებს კახა ოქრიაშვილი.

(NS)