ეკონომიკური კრიზისის დროს, სახალხო არტისტების სტიპენდიები 850,000 ლარამდე გაიზარდა

ფინანსთა სამინისტრომ გამოაქვეყნა 2021 წლის ბიუჯეტის შესრულების 9 თვის ანგარიში, საიდანაც ირკვევა, რომ სახელმწიფო ამჟამად 118 “სახალხო არტისტზე” გასცემს ყოველთვიურ სტიპენდიებს.
“სტიპენდიებით უზრუნველყოფილი იქნა 118 საქართველოს სახალხო არტისტი, სახალხო მხატვარი და რუსთაველის პრემიის ლაურეატი,” - ნათქვამია დოკუმენტში.
მთავრობის 2 ნოემბრის დადგენილებით, “სახალხო არტისტის” წოდების მქონე პირების სტიპენდია 200 ლარით გაიზარდა და ის 600 ლარს შეადგენს. შესაბამისად, თუკი აქამდე 118 “სახალხო არტისტის” სტიპენდიები ბიუჯეტს წელიწადში 566,000 ლარი უჯდებოდა, ეს თანხა ახლა 850,000 ლარამდე გაიზარდა.