ოქტომბერში ყველაზე დიდი ფულადი გზავნილები რუსეთიდან იტალიიდან და აშშ-დან შემოვიდა

საქართველოს ეროვნული ბანკის მონაცემებით, 2021 წლის ოქტომბერში ქვეყანაში შემოსული ფულადი გზავნილების მოცულობამ 206.7 მლნ აშშ დოლარი (649 მლნ ლარი) შეადგინა, რაც 2020 წლის ოქტომბრის ანალოგიურ მაჩვენებელზე 13.7%-ით მეტია.

შემოსული გზავნილების 39.91% ევროკავშირის ქვეყნებზე მოდის, 60.09% კი დანარჩენ ქვეყნებზე.

10 ქვეყანა, საიდანაც გასულ თვეში ყველაზე დიდი მოცულობის ფულადი გზავნილები შემოვიდა:

1. რუსეთი - 36.3 მლნ
2. იტალია - 33 მლნ
3. აშშ - 23.7 მლნ
4. საბერძნეთი - 19.2 მლნ
5. ისრაელი - 15.3 მლნ
6. გერმანია - 10.9 მლნ
7. თურქეთი - 8.6 მლნ
8. ყაზახეთი - 7.4 მლნ
9. უკრაინა - 7.3 მლნ
10. აზერბაიჯანი - 7.1 მლნ

საქართველოდან საზღვარგარეთ კი ოქტომბერში 30.3 მლნ აშშ დოლარი (95.1 მლნ ლარი) გადაიგზავნა, რაც გასული წლის ანალოგიურ მაჩვენებელზე 26.9%-ით მეტია.