საქსტატი: აგვისტოში გასული წლის იგივე პერიოდთან შედარებით, რეალური მშპ-ს ზრდის ტემპმა 4,3% შეადგინა

სტატისტიკის ეროვნული სამსახური 2017 წლის აგვისტოს თვის მდგომარეობით, ეკონომიკური ზრდის წინასწარ შეფასებას აქვეყნებს.

საქსტატის ცნობით, წინა წლის შესაბამის პერიოდთან შედარებით, 2017 წლის აგვისტოში რეალური მთლიანი შიდა პროდუქტის ზრდის ტემპმა 4,3 პროცენტი, ხოლო 2017 წლის პირველი რვა თვის საშუალო რეალურმა ზრდამ 4,7 პროცენტი შეადგინა.