„კრედიტ სუისმა“ 2023 წლის პირველ სამ თვეში 61,2 მილიარდი შვეიცარიული ფრანკის აქტივები დაკარგა

„კრედიტ სუისმა“ 2023 წლის პირველ სამ თვეში 61,2 მილიარდი შვეიცარიული ფრანკის აქტივები დაკარგა. ამის შესახებ ინფორმაციას BBC შვეიცარული ბანკის განცხადებაზე დაყრდნობით ავრცელებს.

როგორც Credit Suisse-ის განცხადებაშია აღნიშნული, სიმდიდრის მართვის ფლაგმანურმა სამმართველომ დაინახა, რომ აქტივების რაოდენობა მარტის ბოლოს 502,5 მილიარდ ფრანკამდე შემცირდა, რაც თითქმის 29%-ით ნაკლებია გასული წლის ანალოგიურ პერიოდთან შედარებით,

”ეს გადინება შემცირდა, მაგრამ ჯერ არ შეცვლილა 2023 წლის 24 აპრილის მდგომარეობით,” - აღნიშნულია განცხადებაში.

კლიენტებმა შვეიცარიული ბანკიდან აქტივების გატანა მას შემდეგ დაიწყეს, რაც აშშ-ში Silicon Valley Bank-ი და Signature Bank-ი გაკოტრდა. ამას კი ფინანსურ ბაზრებზე არეულობა მოჰყვა.